Засгийн газрын хуралдаанаар ЭЕШ-ын хугацааг товлоно

Засгийн газар өнөөдөр ээлжит бусаар хуралдаж, Элсэлтийн Ерөнхий шалгалтыг зохион байгуулах хугацааг товлоно.

Элсэлтийн ерөнхий шалгалтыг 07.01-04-ний өдрүүдэд зохион байгуулахаар шийдвэрлээд байсан боловч коронавирусийн халдварын тархалтаас сэргийлж ЭЕШ-ыг ирэх наймдугаар сарын хоёрдугаар хагас хүртэл хойшлуулсан. Уг товыг өнөөдөр Засгийн газрын хуралдаанаар эцэслэнэ. 

Энэ оны шалгалтад оролцохоор 40420 шалгуулагч бүртгүүлж 48 байрны 1040 анги танхимд зохион байгуулахаар бэлтгэл ажлыг хангаад буй.

Шалгалтыг зохион байгуулахад 9620 багш, мэргэжилтэн оролцохоор холбогдох сургалтуудад хамрагдаж чиг үүргийн дагуу бэлтгэгдээд байна. Эрүүл мэндийн яамнаас авсан мэдээллээр ЭЕШ өгөхөөр бүртгүүлсэн иргэдийн 76.7 хувь нь дархлаажуулалтад хамрагджээ.