Бүх нийтийн амралтын өдрүүдийн дараах үүсч болзошгүй хүндрэлд бэлэн байх чиглэл өглөө

Баянзүрх дүүргийн Засаг дарга, Онцгой комиссын дарга Н.Баярмөнх өчигдөр /2021.07.16/ Цагдаагийн газар, Эрүүл мэндийн төв, Мэргэжлийн хяналт, Онцгой байдлын хэлтсийн удирдлагуудтай уулзаж бүх нийтийн амралтын өдрүүдэд гарсан дуудлага мэдээлэл, авч хэрэгжүүлсэн арга хэмжээний талаар мэдээлэл сонсож дараах үүрэг чиглэлүүдийг өглөө.

ЭМТөв

• Бүх нийтийн амралтын өдрүүдийн дараах үүсч болзошгүй хүндрэлд бэлэн байх
• Эрүүл мэндийн байгууллагын тусламж үйлчилгээтэй холбоотой дуудлага мэдээлэлд шаардлагатай хариу арга хэмжээг шуурхай авах
• Хөнгөн болон хөнгөвтөр өвчтөнүүдийг тусгаарлан эмчлэх, хүндэрсэн өвчтөнүүдэд цаг алдалгүй эмнэлэгийн тусламж үйлчилгээ үзүүлэх

ОБХэлтэс

• Үер ус, гал түймэр, болзошгүй гамшиг, байгалийн аюулт үзэгдэл, осол гэмтлийн дуудлага бүрийг цаг алдалгүй, яаралтай шийдвэрлэх

Мэргэжлийн_хяналт

• Эрүүл ахуйн дэглэм зөрчиж зөвшөөрөлгүй үйл ажиллагаа явуулж буй иргэдэд хяналт шалгалтыг эрчимжүүлэх, халдварт өвчнөөс сэргийлэх

Цагдаагийн газар

• Ил задгай, хулгайгаар хог хаягдал буулгаж, хогийн цэг үүсгэж буй иргэн, ААНБ-уудад хатуу арга хэмжээ авах зэрэг үүрэг даалгаваруудыг өгөв.