Г.Сайханбаяр, Б.Батцэцэг нар Засгийн газарт нууц асуудал танилцуулна

Засгийн газрын ээлжит хуралдаан болж байна. Хуралдааны эхэнд коронавирусийн халдварын нөхцөл байдал, авч хэрэгжүүлж байгаа шуурхай арга хэмжээний талаар мөн 10 их наядын цогц төлөвлөгөөний хэрэгжилтийн талаар танилцуулдаг уламжлалтай.

 Үүний дараа бусад хэлэлцэх асуудалдаа ордог. Өнөөдрийн хуралдаанаар нийтдээ 36 асуудал хэлэлцэнэ. Үүнээс таван нууц асуудал хэлэлцэхээр төлөвлөжээ. Тодруулбал, Батлан хамгаалахын сайд Г.Сайханбаяр гурван нууц асуудлыг мөн  Гадаад харилцааны сайд Б.Батцэцэг хоёр нууц асуудал Засгийн газрын хуралдаанд танилцуулах юм байна.