Замын-Үүд сум дахь Хилийн цэргийн захирагч Б.Нямбатыг авлигын хэргээр саатууллаа

Замын-Үүд боомтод иргэд, аж ахуй нэгжийн ачаа бараа бөөгнөрч байгаа асуудал нь албан тушаалтнуудын ашиг сонирхлын асуудалтай холбоотойг Засгийн газраас мэдэгдэж, ХЗДХ-ийн сайд Х.Нямбаатар тэргүүтэй албаныхан Замын-Үүдэд ажиллаж байна. Албан тушаалаа урвуулан ашигласан байж болзошгүй асуудлаар Замын-үүд сумын Засаг дарга Б.Анхбаярыг баривчилсан.

Мөн уг асуудлаар зургаан албан тушаалтанд Эрүүгийн хэрэг үүсгэж яллагдагчаар татаж байгаа талаар ХЗДХ-ийн сайд Х.Нямбаатар мэдээлсэн билээ. Тэгвэл Замын-Үүд сум дахь Хилийн цэргийн захирагч Б.Нямбатыг авлигын хэргээр саатуулаад байна.