АТҮТ-ийн Замын-Үүд дэх салбарын дарга А.Хатансайхан зугтжээ

Хууль зүй, дотоод хэргийн сайд Х.Нямбаатараар ахлуулсан Авлигатай тэмцэх газар, Тагнуулын ерөнхий газар, Цагдаагийн ерөнхий газар, Мэргэжлийн хяналтын ерөнхий газар зэрэг байгууллагууд багтсан шалгалтын ажлын хэсэг өнөөдөр /2021.7.6/ Дорноговь аймагт ажиллаж байна.

 Энэ үеэр прокурорын зөвшөөрлөөр Дорноговь аймгийн Замын-Үүд сумын Засаг дарга Б.Анхбаяр нарын зургаан албан тушаалтанд эрүүгийн хэрэг үүсгэлээ. Мөн нийт 32 албан тушаалтныг нийслэлээс орон нутагт сэлгэн ажиллуулах зохицуулалт хийхээр болов. 

Мөн АТҮТ-ийн Замын-Үүд дэх салбарын дарга А.Хатансайханыг саатуулах гэсэн боловч тэрбээр зугтсан гэх мэдээлэл байна.Түүнийг албан тушаалаас нь чөлөөлж,  оронд нь Дорноговь аймгийн Авто тээврийн төвийн дарга н.Сүхбаатарыг түр томиллоо.