Милоуки Бакс 47 жилийн дараа аваргын төлөө шалгарлаа

НБА-н аваргын төлөө Дорнод бүсээс Милоуки Бакс баг шалгарлаа. Хамгийн сүүлд 1974 оны аваргын төлөө Бостон Селтикс багтай тоглон цувралд 4-3 харьцаатай хожигдож байжээ.

Өнөөдөр бүсийн аваргын төлөөх цувралын 6 дахь тоглолтоо Атланта Хаукс багийн талбайд хийж 118-107 харьцаатай ялалт байгуулсан. Багийн лидер Яннис сүүлийн 2 тоглолтод оролцоогүй ч талбайд К.Миддлетон, Ж.Холидэй нар багаа манлайлан гайхалтай тоглож багаа ялалтанд хөтөлсөн. К.Миддлетон,Ж.Холидэй нар хамтдаа 59 оноо авсан бол Б.Лопез , П.Коннотон нар тус бүр 13 оноо, Б.Портис 12 оноо авснаас гадна багийн хамгаалалт сайн байсан.

Харин тэдний өрсөлдөгч Атланта багаас сэлгээнээс талбайд гарсан К.Рэддиш 21 оноо авч багаа тэргүүлж, гараанд гарсан Б.Богданович 20, Т.Янг, К.Капела нар тус бүр 14 оноо, Ж.Коллинс, сэлгээнээс Д.Галлинари нар тус бүр 13 оно авсан. Улирлын дундуур дасгалжуулагчаа солиж, багагүй бэрхшээлтэй замыг туулан плэй-оффт шалгарсан Атланта Хаукс баг хэдийгээр хожигдон улирал нь өндөрлөсөн ч хүлээлтээс дээгүүр тоглосон. Ирэх улирал эдгээр залуусаас дахин энэ хэмжээний амжилт хүлээж болно.