УИХ-ын гишүүд, сайд нарын хүүхдүүд өнөөдөр Хоёрдугаар эмнэлэгт вакцинд хамрагдаж байна

Манай улс хүүхдүүдээ дархлаажуулалтад хамруулж буй. Тодруулбал, “Pfizer”-ийн вакциныг эхний удаад 16-17 насны хүүхүүдэд хийж эхэлсэн бол өнгөрөгч сарын 28-наас 12-15 насны хүүхдүүдийг эцэг, эхийнх нь зөвлөөрлөөр сайн дурын үндсэн дээр вакцинжуулж байгаа. 

Өчигдрийн байдлаар,

• 12-15 насны 21047 (20.8 хувь),
• 16-17 насны 15334 (45.2 хувь) хүүхэд тус тус дархлаажуулалтад хамрагдаж, вакцины I тун хийлгээд байна.

Тэгвэл өнөөдөр /2021.07.03/ Улсын хоёрдугаар төв эмнэлэгт УИХ-ын гишүүд, сайд нарын хүүхдүүдийг дархлаажуулалтад хамруулж байна. Өглөө 09-17 цаг хүртэл нэг өдөр хийхээр төлөвлөжээ.

Дүүргүүдийн тодорхой цэгүүдэд иргэд хүүхдээ дагуулж очин дархлаажуулалтад хамруулж байгаа юм.