Допинг хэрэглэсэн Э.Оюунболд, Н.Батсуурь, Д.Цэрэнтогтох нарын таван бөх өршөөгдөнө

 Засгийн газраас өргөн барьсан Өршөөлийн хуулийн төслийг өнөөдрөөс эхлэн хэлэлцэх эсэхийг нь  өнөөдөр УИХ-ын ХЗБХ-ны хуралдаанаар хэлэлцсэн. Уг хуулийн төсөлд допин хэрэглэсэн бөхийг өршөөх заалт оруулжээ.Тодруулбал, 2021 оны долдугаар сарын 1-ний өдрөөс өмнө Үндэсний их баяр наадмын тухай хууль тогтоомжид заасны дагуу үндэсний бөхийн барилдаан болон сур харваанд оролцох эрхээ хасуулсан бөх, сурын харваачийн үндэсний их баяр наадамд оролцох эрхийг нэг удаа өршөөн сэргээхээр тусгасан байна. 

Ингэснээр допинг хэрэглэсэн таван бөх болох Ө.Бат-Орших, Н.Батсуурь, Э.Оюунболд, Д.Цэрэнтогтох, Р.Пүрэвдагва нарын таван бөх Өршөөлийн хуульд хамрагдахаар болжээ.

Түүчлэн Өршөөлийн хуулиар  150 хоригдол ялаас бүрэн чөлөөлөгдөж, 371 хоригдлын ялыг зорчих эрхийг хязгаарлахаар солих, 469 хоригдлын хорих ялаас хоёр жилийг хасах, өсвөр насны 25 хүн, нийт 1013 хоригдол хамрагдаж, 3129 хоригдол хорих анги, байгууллагад үлдэх юм байна. Мөн хорих ял оногдуулахгүйгээр тэнссэн 2483, хорих ял оногдуулсан шүүхийн шийдвэр, тогтоолын биелэлтийг хойшлуулсан 158, хорих ялаас хугацаанаас нь өмнө суллаж, хяналт тогтоосон 1274, хүмүүжлийн чанартай албадлагын арга хэмжээ авагдсан 160, нийт 39156 этгээд хамрагдах юм байна.