Англичуудын 55 жилийн дараах ялалт

Европын аварга шалгаруулах тэмцээний шөвгийн 16-н тоглолт өндөрлөлөө. Урьд шөнө Англи-Герман, Швед-Украины тоглолт болж Англи, Украины шигшээ багууд шөвгийн 8-д шалгарч Герман, Шведүүд нутаг буцлаа.

Англи 2-0 Герман

Гоол: Р.Стэрлинг 75‘, Х.Кэйн 86’

Шар хуудас: Д.Рис, К.Филлипс 45’, Х.Магуэйр 77’, М.Гинтер 25, ’Р.Госенс 72’

Англи: Ж.Пикфорд, К.Уокер, Ж.Стоунс, Х.Магуэйр, К.Триппер, К.Филлипс, Д.Рис (Ж.Хендерсон 88‘), Л.Шоу, Б.Сака (Ж.Грилиш 69‘), Х.Кейн, Р.Стэрлинг

Герман: М.Нойер, М.Гинтер (Э.Жан 87‘), М.Хуммельс, А.Рудигер, Ж.Киммих, Т.Кроос, Л.Горецка, Р.Госенс (Л.Сане 87‘), К.Хаверц, Т.Вернер (С.Гнабри 68‘), Т.Мюллер (Ж.Мусиала 90+2‘)

Англичууд 1966 оны ДАШТ-нээс хойш анх удаагаа том тэмцээнд Германыг хасагдах шатанд хожлоо. Тоглолтын эхний хагаст хоёр багаас гоол ороогүй бөгөөд хоёрдугаар хагаст Р.Стэрлинг Л.Шоугийн өгсөн дамжуулалтыг гоол болгосон бол тоглолтын 86 дахь минутанд Ж.Грилишийн дамжуулалтаар Х.Кейн гоол оруулсан. Ерөнхийдөө тоглолтын 69 дэх минутанд талбайд орж ирсэн Ж.Грилиш Английн багийн хоёр гоолд оролцсон. Ийнхүү Англичууд ганц ч гоол хаалгандаа алдалгүй шөвгийн 8-д шалгарч байна.

Швед 1-2 Украйн

Гоол: Э.Форсберг 43’, А.Зинченко 27’, А.Довбик 120+1’

Шар хуудас: Д.Кулушевски 69’, Э.Форсберг 85’, А.Ярмоленко 79’

Улаан хуудас: М.Даниэльссон 99’

Швед: Р.Ульсен, М.Лустиг (Э.Крафт 83‘), В.Линделоф, М.Даниэльссон, Л.Аугустинссон, С.Ларссон (В.Классон 97‘), К.Олссон (Ф.Хеландер 101‘), А.Экдаль, Э.Форсберг, Д.Кулушевски (Р.Квайсон 97‘), А.Исак (М.Берг 97‘)

Украин: Г.Бущан, И.Забарный, С.Кривцов, М.Матвиенко, А.Караваев, С.Сидорчук (Р.Безус 118‘), Т.Степаненко (Е.Макаренко 95‘), Н.Шапаренко (Р.Малиновский 61‘), Р.Яремчук (А.Беседин 90‘), А.Ярмоленко (А.Довбик 105‘)

Украины төдийгүй Европын шилдэг довтлогч асан А.Шевченкогийн удирдсан Украины шигшээ баг анх удаагаа ЕАШТ-ний дунд шөвөгт шалгарлаа. Хоёр багийн тоглолтын эхний хагаст Украинаас А.Зинченко 27 дахь минутад, Шведээс 43 дахь минутад Э.Форсберг тус бүр гоолдсон. Харин сүүлийн хагаст гоол ороогүй бөгөөд нэмэлт цаг сунгахад А.Довбик талбайд гарсан үүргээ амжилттай биелүүлж А.Зинченкогийн өгсөн дамжуулалтыг мөргөж Шведийн хаалганы торыг хөдөлгөснөөр Украинчууд дунд шөвөгт шалгарчээ.