Маргааш Спутник вакцины 2-р тун ирнэ

"Спутник вакцины 10 мянган ширхэг 2-р тунг энэ сарын 30-ны өдөр, үлдсэн 10 мянган тунг 7 дугаар сарын эхний хагаст ирүүлэхээ оросын талаас илэрхийлсэн" байна. 

Монгол Улсад "Спутник-V" вакцины хоёрдугаар тун тасраад удаж байгаа билээ. ОХУ-д суугаа Монгол Улсын Элчин сайдын яамнаас "Спутник-V" вакцины 20 мянган хоёр дахь тунг Монгол руу нийлүүлэхээр болсныг мэдэгдсэн байна. 

ОХУ-д суугаа Монгол Улсын Элчин сайдын яам Монгол Улсын Эрүүл мэндийн яам ОХУ-ын Оросын шууд хөрөнгө оруулалтын сан хооронд 2021 оны дөрөвдүгээр сарын 21-ний өдөр Худалдах, худалдан авах гэрээ байгуулсан билээ.Энэхүү гэрээний дагуу энэ сарын 30-ны өдөр Covid-19-ийн эсрэг “Спутник V” вакцины хоёр дахь 10 мянган тунг, түүнээс нэг долоо хоногийн дараа дахин 10 мянган тунг Монгол Улсад нийлүүлэхээр болсныг Оросын шууд хөрөнгө оруулалтын сангаас мэдээлсэн байна. 

Эх сурвалж: Гадаад харилцааны яам