Ерөнхийлөгч У.Хүрэлсүхийн орон тооны зөвлөхүүд тодорлоо

Монгол улсын зургаа дахь Ерөнхийлөгч өнгөрөгч байсан гарагт тангараг өргөснөөр У.Хүрэлсүхийн ерөнхийлөгчийн бүрэн эрх хэрэгжиж, тэрбээр Ерөнхийлөгчийн тамгын газрын даргаар Я. Содбаатар, ҮАБЗ-ийн ажлын албаны даргаар Ж.Энхбаяр нарыг томилсон билээ.

Монгол улсын Ерөнхийлөгч 9 зөвлөхтэй байна. Ерөнхийлөгчийн тухай хуульд зааснаар зөвлөх нь Ерөнхийлөгчид захирагдах боловч төрийн албан хаагчийн хувьд Тамгын газарт харьяалагдана гэж заасан байдаг.

Тэгвэл Ерөнхийлөгч У.Хүрэлсүхийн орон тооны зөвлөхүүдийн нэрс тодорлоо. Тухайлбал Монгол Улсын Ерөнхийлөгчийн гадаад бодлогын зөвлөхөөр Эрдэнэцогтын Одбаяр, эдийн засгийн бодлогын зөвлөхөөр Батсуурийн Даваадалай, мөн түүний зөвлөхөөр Ч.Лодойравсал, Д.Бум-Очир, Б.Бямбажаргал томилогджээ.