Эрүүл мэндийн сайд асан Т.Мөнхсайхан Ерөнхийлөгчийн зөвлөхөөр яригдаж байна

Өчигдөр /2021.06.25/ МУ-ын зургаа дахь Ерөнхийлөгчөөр сонгогдсон У.Хүрэлсүх тангарагаа өргөж, ажилдаа орсон. 

Тэгвэл Ерөнхийлөгийн дэд бүтцийг бүрдүүлдэг Үндэсний аюулгүй байдлын зөвлөлийн нарийн бичгийн дарга, Ерөнхийлөгчийн тамгын газрын дарга, Хэвлэл мэдээллийн албаны дарга нар тодорхой болоод байгаа юм.

Харин Ерөнхийлөгчийн зөвлөхүүд эхнээсээ яригдаж байна. Тодруулбал, Эрүүл мэндийн сайдаар ажиллаж байсан Т.Мөнхсайхан Ерөнхийлөгч У.Хүрэлсүхийн зөвлөхөөр яригдаж эхэлжээ.

Т.Мөнхсайхан нь 2020 онд У.Хүрэлсүхийн Засгийн газарт Эрүүл мэндийн сайдаар ажиллаж байгаад, өөрийн хүсэлтээр сайдын ажлаасаа чөлөөлөгдсөн юм.