Ц.Нямдорж: Л.Оюун-Эрдэнэ жижүүрээс намын дарга болтлоо дэвшиж байна

ЗГХЭГ-ын дарга Ц.Нямдорж: Намын дүрмээрээ Ерөнхий сайд намын даргаар ажиллана гэсэн заалттай. Өчигдөр УЗ хуралдсан. Одоо байгаа намын дарга  У.Хүрэлсүх намын даргад Л.Оюун-Эрдэнийг санал болгож удирдах зөвлөлөөс 100 хувь дэмжсэн.Ер нь манай намд болоод байгаа шилжилтын процессууд их эвтэйхэн явж байгаа.Улс төр намын ажил үеэс үе дамжиж хуучин үе нь шинэ үедээ халаагаа өгч явахын зэрэгцээ хамтарч ажиллаж энэ намын уламжлал шинэчлэл хоёр хосолдог эд. Манай намын хувьд энэ ажил харьцангуй зөв чиглэлд явж байгаа. Л.Оюун-Эрдэнэ дарга бол 80-аад оны төлөөлөл. Ж.Эрдэнэбат 70-аад оны төлөөлөл гэдгийг хэлсэн. Аливаа нам шинэчлэгдэж халаагаа өгч явах ёстой. Тэр л журмаар явж байна. Би олон ерөнхий сайдын үед ажиллалаа. Зургаа дахь нь Л.Оюун-Эрдэнэ сайд. Өмнөх дарга нараас өөр зураг харагдаж байгаа. Илүү ирээдүйгээ харсан. Зоримог байж магадгүй. Мэдээж хэрэг залуучууд салхи ихтэй. Бага зэрэг "салхи" ажиглагдаж байгаа. Төрийн ажил Салхи ихтэй байвал аюул гардаг ёс бий. Тиймээс аль болох сайн талыг дэмжээд хэт салхилсан үедээ тогтох тал дээр ажиллах байх. Жижүүрийн ажлаас намын дарга болтол явж байгаа хүн шүү дээ. Ийм л шинэ төлөөлөл гарч ирж байна.