“Бид 200 өдөр хөл хорионы дэглэмд ажиллаж, 25 хувь нь хаагдаж хаалгаа бариад байна”

Монголын ресторан зоогийн газрын холбоо ГҮТББ-ын удирдлагуудтай Нийслэлийн Захирагчийн ажлын алба, Нийслэлийн мэргэжлийн хяналтын газар, Нийслэлийн цагдаагийн газрын удирдлагуудтай хамтарсан уулзалтыг хийж байна. 
   Монголын ресторан зоогийн газрын холбоо: 200 өдөр хөл хорионы хаагдсан дэглэмд байлаа, бид маш их алдагдал хүлээж байна. Ресторан, зоогийн газар, кофе шопын 25 хувь нь хаагдаж, 35 хувь нь цомхотгол хийж, зарим хүн ажилгүй болсон. УОК-ын гэнэтийн шийдвэрээс болж алдагдал хүлээж байна. Тодруулбал, түргэн муудах хүнсээ орой нь авчихсан байхад шөнө 22:00 цагт УОК-ын шийдвэрийг танилцуулсан. Энэ мэт гэнэтийн шийдвэрээс үүдэж ашиггүй алдагдал хүлээж, захиалаад авсан хүнсний бүтээгдэхүүн муудаж байна. Нийгмийн аюулгүй байдал чухал, ресторан, зоогийн газар эрсдэлтэйг ойлгож байна. Гэхдээ бид халдвар хамгааллын дэглэмээ баримтлаад ажилламаар байна. Цөөн тооны газрууд дүрэм, журмаа бариагүй нь алдаа боллоо. Аж ахуй нэгжүүд маань дэглэмээ бариад хэвийн ажилламаар байна.