УОК: 19 аймгийн 176 суманд цар тахлын нөхцөл байдлаас шалтгаалан хязгаарлалт тогтоогоод байна

УОК-ын хуралдаанаар гаргасан шийдвэрийг танилцууллаа.

УОК-ын нарийн бичгийн дарга Т.Баярхүү: Хүн амын хөл хөдөлгөөн их байгаа учраас хүн ихтэй байдаг бялдаржуулах төв, саун, бассейнуудын үйл ажиллагааг 06 сарын 25-ны өдрөөс эхлэн 10 хоногийн хугацаанд зогсоох шийдвэрийг гаргалаа. Мөн хоол үйлдвэрлэлийн газруудын заалны үйлчилгээг дахин 10 хоног хязгаарлах, амралтын газар жуулчны баазуудыг дахин 10 хоног ажиллуулахгүй байх шийдвэр гаргалаа. Мөн өнөөдрийн хуралдаанаар хот хоорондын хөл хөдөлгөөн хорих асуудал яригдаагүй.Түүнчлэн хот хоорондын хөдөлгөөнийг хязгаарлаагүй. Одоогоор 19 аймгийн 176 суманд цар тахлын нөхцөл байдлаас шалтгаалан тодорхой хязгаарлалтуудыг тогтоосон байгаа тул орон нутгийг зорих гэж буй иргэд очих гэж буй газрынхаа онцгой комиссоос мэдээлэл, зөвлөмж авахыг зөвлөж байна.