Хоолны газрууд заалаар үйлчлэх, амралтын газруудыг хязгаарласан хугацааг дахин сунгаж магадгүй гэлээ

Хоол үйлдвэрлэл, үйлчилгээний газрыг 2021 оны зургадугаар сарын 17-ны өдрөөс эхлэн долоо хоногийн хугацаатай заалаар үйлчлэхийг хориглож, амралт жуулчны баазын үйл ажиллагааг энэ сарын 17-ны өдрөөс долоо хоног хязгаарласан. 

Уг хугацаа маргааш дуусгавар болох тул сунгах эсэхийг Ерөнхий сайдын хэвлэлийн төлөөлөгч Ч.Болортуяагаас тодруулахад тэрбээр "Үйл ажиллагааг нь хязгаарласан үйлчилгээний байгууллагуудын хязгаарлалтыг сунгах эсэх нь УОК-ын бүрэн эрхийн асуудал. УОК-оос дэлгэрэнгүй мэдээлэл өгөх байх. Ерөнхийдөө хоолны газрууд заалаар үйлчлэх болон амралт, жуулчны баазын үйл ажиллагааг хязгаарласан байгааг дахин долоо хоногоор сунгах боловуу гэсэн мэдээлэлтэй байна" гэсэн юм.