Солонгос хэлний түвшин тогтоох шалгалтад бүртгүүлэх иргэдийн анхааралд

Бүгд найрамдах Солонгос Улсад хөдөлмөрийн гэрээгээр ажиллах хүсэлтэй иргэдийн Солонгос хэлний түвшин тогтоох шалгалтын бүртгэлийг зарласан. 

Бүртгэл энэ сарын  29, 30 ны өдөр цахим хэлбэрээр явагдана. Энэ удаад улс орон даяар орон зайнаас үл шалтгаалан бүртгүүлэх боломжтой болж байгаа юм.  solongos.hudulmur-halamj.gov.mn вэб сайт болон emongolia системээр дамжин Солонгос хэлний түвшин тогтоох шалгалт өгөх иргэдийн бүртгэл хэсэгт хандаад бүртгүүлнэ. Шалгалтын хуваарийг ирэх сарын 16-нд зарлана. Ковидын нөхцөл байдлаас шалтгаалан Улсын Онцгой Комисс, Мэргэжлийн хяналтын байгууллагаас өгсөн зөвлөмжийн дагуу нэг танхимд цөөн хүн байхаар зохицуулах зэрэг шалгалтын хувилбарууд гаргажээ. Ингээд ирэх сарын 26-наас есдүгээр сарын 17-ны хооронд шалгалтаа зохион байгуулахаар төлөвлөсөн байна. 

Бүртгэлийн хураамж болох 24 ам.доллар буюу 69600 орчим төгрөгийг бүртгэлийн программаар дамжуулан цахимаар төлж байж бүртгэл баталгаажихыг Хөдөлмөр, халамжийн үйлчилгээний ерөнхий газраас анхаарууллаа.