ЭМЯ: 2231 хүнээс халдвар илэрч, 12 хүн нас барлаа

Коронавируст халдварын нөхцөл байдлын талаар мэдээлэл хийж байна.

Өнгөрөгч 24 цагт  коронавирусийн халдвар илрүүлэх зорилгоор 11765 шинжилгээ хийхэд  2231 хүнээс халдвар илэрлээ. Нийт халдварын тоо улсын хэмжээнд 98050 болж байна. 2231 тохиолдол нь бүгд дотоодын халдвар бөгөөд эрүүл мэндийн найман ажилтан ажлын байран дээрээ халдвар авчээ. Дотоодын халдваруудыг задалж танилцуулбал,

• 1289 нь Улаанбаатар хотод
• 934 нь орон нутагт бүртгэгдэв. 

Өнгөрсөн хоногт халдварын улмаас 55-83 насны 12 хүн нас барсан. Мөн КОВИД-ын бус шалтгаанаар хоёр хүн нас барав. 

Сүүлийн 24 цагт эмнэлгээс 585 хүн эдгэрэн гарсан бол 301 хүн гэрийн хяналтаас гарсан байна. Нийт эдгэрсэн хүний тоо 64354 болов. Өнөөдрийн байдлаар 12415 хүн эмнэлэгт хэвтэн эмчлүүлж байгааг УОК-ын нарийн бичгийн дарга Т.Баярхүү хэллээ. 

• Хөнгөн - 7,967
• Хүндэвтэр - 3,087
• Хүнд - 1,140
• Маш хүнд - 221 хүн байна.

Гэрийн хяналтад 20,795 хүн байгаа.