Украины сайд Туркийн “Bayraktar” дроноор Оросыг сүрдүүлжээ

Н.Сумъяасүрэн
2021/06/21

Украин нь Туркээс зургаан ширхэг “Bayraktar” цохилтын дрон худалдан авсан байна. Украины Гадаад хэргийн сайд Д.Кулеба энэ худалдан авалтын талаар Туркийн “Anadolu” агентлагт ярилцлага өгөхдөө “Bayraktar” дроноор Оросыг сүрдүүлсэн утгатай мэдэгдэл хийжээ.

Тэрээр “Оросыг Украины эсрэг өргөн хүрээтэй дайралт хийх эсвэл өөр дурын хүч хэрэглэх үйлдэл хийхийн өмнө маш сайн эргэцүүлэн боддог болгоход дронууд зайлшгүй шаардлагатай. Хэрэв Орос нь бидэн рүү дайрч эсвэл бидэнтэй том хэмжээний зэвсэгт мөргөлдөөн хийхээр шийдвэл бид өөрсдийгөө хамгаалахын тулд дронуудыг Украины гаар нутгийн дурын хэсэгт ашиглах болно” гэжээ. Мөн тэрээр Туркийн цохилтын дронуудыг маш сайн хийгдсэн гэж магтаад, удахгүй Туркийн дронуудад Украины хөдөлгүүр суулган өөрийн нутаг дээр лицензээр үйлдвэрлэдэг болох төлөвлөгөөтэй байгаагаа хэлжээ.  

Украин нь Туркээс зургаан “Bayraktar”, газрын гурван станц, дагалдах пуужин зэргийг 69 сая доллароор авах гэрээ байгуулсан нь ийнхүү хэрэгжсэн бололтой. Мөн Украин нь 48 дроныг өөрийн нутаг дээр Туркийн сэлбэгээр угсрах талаар ярилцаж байгаа ч үр дүн нь тодорхойгүй байгаа аж.

Дашрамд сонирхуулахад Украин Туркээс зургаан дрон худалдаж авсны дараа ингэж сүрдүүлж байгаа бол ОХУ-ын зэвсэглэлд төрөл бүрийн 1700 дрон байдаг гэж нээлттэй эх сурвалжуудад дурджээ.

“Bayraktar” -ын хувьд Турк нь АНУ-ыг цохилтын дрон худалдахаас татгалзсаны дараагаар 2007 оноос өөрсдийн дроныг бүтээх ажлыг эхлүүлсэн. Долоон жилийн дараа буюу 2014 онд “Bayraktar” цохилтын анхны нислэгээ хийж, удалгүй курд босогчдыг эсрэг амжилттай ашигласан. Дөрвөн пуужин агсаж тасралтгүй 12 цаг нисэх чадвартай “Bayraktar”-ыг удалгүй Сири дэх Асадын эсрэг хүчнийг дэмжихэд нэг хэсэг амжилттай ашигласан. Гэвч Сирийн арми Зөвлөлтийн үед худалдаж авсан байлдааны талбарын “Квадрат” гэх мэт зенитийн пуужингийн системээ ашиглаж эхэлсний дараа олон дроноо алдаж, идэвхтэй ашиглахаа зогсоосон байна. Үүний дараа Ливийн иргэний дайнд фелдмаршал Хафтарын хүчний эсрэг идэвхтэй ашигласан. Гэхдээ Хафтар нь Саудын Аравиас түр зээлсэн “Панцир” зенитийн систем амжилттай ашигласны дараа олон “Bayraktar”-аа устгуулсан.

Гэвч Армен-Азербайжан хооронды Уулын Карабахын төлөөх дайнд жинхэнэ чадвараа харуулж Армен, Уулын Карабахын сайн дурынхны зэвсэгт хүчинд маш их хохирол учруулж, Азербайжаныг ялалт байгуулахад шийдвэрлэх үүрэг гүйцэтгэсэн. Үүний дараанаас нэг хэсэг гундаад байсан “Bayraktar” –ын нэр хүнд асар их өсөж олон улс орон сонирхож, худалдан авах болсон нь энэ. Хамгийн сүүлд гэхэд Украинаас гадна Польш 24 ширхэг “Bayraktar” худалдан аваад байгаа юм. Гэхдээ Украинаас ялгаатай Польшийн Гадаад хэргийн сайд Збигнев Рау нь “Bayraktar” авсан гээд Оросыг сүрдүүлсэнгүй “Дронууд нь Польшийн армийн боломжийг сайжруулж, НАТО-ийн зүүн хилийн бэхжүүлнэ гэдэгт итгэлтэй байна” гэсэн мэдэгдэл хийжээ.

 


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Г.Занданшатараас "ОНТРЭ"-гийн хэлцлийг амжилттай хийхийг олон нийт хүлээж байна 17 цагийн өмнө
Улаанбаатарт импортын хагас коксон нүүрс оруулж ирэхээр төлөвлөж байна 18 цагийн өмнө
Н.Номтойбаяр: Ерөнхий сайдыг өрөвдөж байна, танхим хүссэнээр нь байгуулагдаагүй 18 цагийн өмнө
Монголын йлдвэрчний эвлэлийн хороог шинэчлэх түр хороог байгуулав 20 цагийн өмнө
Байр, машин, аяллын эрхийн эзэд удахгүй тодорно 20 цагийн өмнө
Ө.Шижир: Бид ажил олгогч талаа бодож байж ирээдүйд төлөгдөх шимтгэл, татварууд илүү нэмэгдэнэ 22 цагийн өмнө
​Туул, Тэрэлж, Хэрлэн гол дагуу хөдөлгөөнт болон завьт эргүүл ажиллаж эхэллээ 22 цагийн өмнө
Уул уурхайн нөхөн сэргээлтийн цогц сургалтыг зохион байгууллаа 22 цагийн өмнө
УИХ-ын чуулганы хуралдаан 10:00 цагаас эхэлнэ 23 цагийн өмнө
Өнөөдөр болох үйл явдлын тойм 23 цагийн өмнө
Нийслэлд +25 градус дулаан байна 23 цагийн өмнө
А.Баяр: Явган зорчигчдын аюулгүй байдлыг хангах үүднээс мопед, скүүтэрийн замбараагүй байдлыг цэгцэлнэ Өчигдөр
Мал хулгайлах гэмт хэрэгт 623 хүн холбогджээ Өчигдөр
Б.Жавхлан: Төсвийн тодотголоор 1.8 их наяд төгрөгийн дүнтэй өөрчлөлт хийнэ Өчигдөр
Энэ оны эхний таван сард гадаадын 22509 иргэнд визийн зөвшөөрөл олгожээ Өчигдөр
Монголын үйлдвэрчний эвлэлийн холбооны гишүүд “Нээлттэй үйлдвэрчний төлөө” жагсаал зохион байгуулж, удирдлагуудад шаардлага гардууллаа Өчигдөр
Улсын заан Б.Бат-Өлзий "Тэргүүн бөх"-өөр шалгарлаа Өчигдөр
Залуус Дундговьд цөлжилт, газрын доройтолтой тэмцэх сайн туршлага, шийдлээ хэлэлцлээ Өчигдөр
“Этүгэн Ирвэсүүд” клубын охид олон улсын тэмцээнээс хүрэл медаль хүртлээ Өчигдөр
Байгаль орчин, уур амьсгалын өөрчлөлтийн сайд Б.Батбаатар тамгаа гардлаа Өчигдөр