Италийн шигшээ баг 100%-н амжилттай хэсгээ тэргүүлэв

Европын хөл бөмбөгийн АШТ-ний хэсгийн сүүлийн тойргийн тоглолтууд эхэллээ. Урьд шөнө А хэсгийн гуравдугаар тойргийн тоглолтууд болсон бөгөөд Скаудра Аззура буюу Италийн шигшээ баг 1-0 харьцаатай Уэльсийн шигшээг хожиж 100%-н амжилттай хэсгээ тэргүүлэв. Италичууд хэсгийн шатны гурван тоглолтодоо гурвууланд нь ялалт байгуулахдаа хаалгандаа ганц ч гоол алдсангүй. Италийн шигшээ баг дасгалжуулагч Р.Манчинигийн удирдлага дор 2019 оноос хойш ганц ч хожигдоогүй байгаа. Дасгалжуулагч Р.Манчиниг Италийн шигшээ багийг удирдаж байсан 2018 оны 5 сард дэлхийн чансааны 20 хүртэлээ чансаа унаж, дэлхийн аваргад оролцож чадаагүй үе байсан. Ийм багийг хүлээн авсан Р.Манчини Италийн шигшээ багийг маш амжилттай дахин босгож байна.

Итали 1-0 Уэльс

Гоол: М.Пессина 39’

Шар хуудас: М.Пессина 79’, Ж.Аллен 51’, К.Гантер 79’

Улаан хуудас: И.Ампаду 55’

Итали: Ж.Доннарумма (С.Сиригу 89‘), Р.Толой, Л.Бонусси (Ф.Ачерби 46‘), А.Бастони, Эмерсон, М.Пессина (Ж.Кастровилли 75‘), Жоржиньо (Б.Кристанте 75‘), М.Верратти, Ф.Бернардески (Ж.Распадори 75‘), А.Белотти, Ф.Кьеса

Уэльс: Д.Уорд, Ж.Родон, И.Ампаду, К.Гантер, К.Робертс, Ж.Моррелль (К.Мур 60‘), Ж.Аллен (Д.Левитт‘), Н.Уильямс (Б.Дэвис 86‘), Г.Бэйл (Д.Брүүкс 86‘), А.Рамси, Д.Жеймс (Х.Уильсон 74‘)

Швейцарын шигшээ баг Туркийг 3-1 харьцаатай хожиж хасагдах шатанд шалгарч үлдэх боломжоо хадгалж үлдлээ. Ливерпүүл клубт данстай Ж.Шакири дубль хийсэн бол Х.Сеферович нэг гоол оруулж, Туркээс И.Кахвенжи шигшээ багийнхаа Евро-2020 дахь цорын ганц гоолыг оруулсан. Хэсгийн шатанд нэг хожил, нэг тэнцээ авч, нэг хожигдсон Швейцарын шигшээ баг дөрвөн оноотой болж хэсгийн шатны гуравт бичигдсэн. Энэ нь тэднийг шөвгийн 16-д шалгарах боломжийг бий болгож байна.

Швейцар 3-1 Турк

Гоол: Х.Сеферович 6’, Ж.Шакири 26, 68’, И.Кахвежи 62’

Шар хуудас: Г.Жака 78’, Х.Чалханоглу 70’, З.Челик 75’, С.Союнжу 76’

Швейцарь: Я.Зоммер, Р.Родригес, М.Аканжи, Н.Эльведи, С.Цубер (Л.Бенто 85‘), Г.Жака, Р.Фройлер, С.Видмер (К.Мбабу 90+2‘), Б.Эмболо (А.Мехмеди 86‘), Ж.Шакири (Р.Варгас 76‘), Х.Сеферович (М.Гавранович 75‘)