Клипперс анх удаагаа бүсийн финалд шалгарлаа

Сагсан бөмбөгийн дэлхийн хамгийн хүчирхэг лиг НБА-н 2020-2021 оны плэй-оффын бүсийн хагас шигшээ цувралууд үргэлжилж байна. Өрнөд бүсийн хагас шигшээд таарсан Юта Жазз болон Лос-Анжелес Клипперс багуудын цувралын 6 дахь тоглолт өнөө өглөө болсон. Хоёр багийн тоглолтын өмнө цуврал 3-2 байсан бөгөөд цувралын 6 дахь тоглолтод талбайн эзэн Клипперс 131-119 харьцаагаар Юта Жазз багийг хожиж 4-2-оор цувралыг хааж бүсийн финалд шалгарчээ.

Тоглолтын эхний хагас өндөрлөхөд Юта Жазз баг 22 оноотой давуутай байсан. Харин талбайн эзэд сүүлийн хагаст тоглолтыг эргүүлснээр ялалт байгуулсан. Энэ тоглолтонд Клипперсээс Т.Мэнн гялалзаж 39 оноогоор багаа тэргүүлсэн бол П.Жорж 28, Р.Жэксон 27 оноо, Н.Батум 16, сэлгээнээс П.Бэвэрли 12 оноо авчээ. Ийнхүү багийн лидер К.Леонардын эзгүйд хоёр тоглолт дараалан ялалт байгуулсан Клипперс баг түүхэндээ анх удаагаа НБА-н бүсийн аваргын төлөө шалгарч байна. Тэдний бүсийн аваргын төлөө өрсөлдөгч нь Финикс Санс байх юм.