"Туркиш Эйрлайнс" Улаанбаатар руу үйлдэх нислэгүүдээ цуцалсан гэдэг нь үндэслэлгүй болохыг мэдэгдлээ

Туркийн иргэний агаарын тээврийн "Туркиш Эйрлайнс" компани КОВИД-19 цар тахлын нөхцөл байдлаас шалтгаалан ирэх долдугаар сард сард Улаанбаатар руу үйлдэх нислэгүүдээ цуцалсан гэсэн мэдээлэл зарим мэдээллийн хэрэгслээр гарчээ.

Харин энэ мэдээлэл нь ор үндэслэлгүй болох тухай Монгол Улс дахь Турк улсын ЭСЯ-наас мэдэгдэл гаргалаа.

Уг мэдэгдэлд Монголын эрх бүхий байгууллагуудын зөвшөөрсөн хэмжээний дээд хязгаараар нислэгээ үйлдэхэд бэлэн гэдгээ тодотгожээ. 

Манай улс зургадугаар сарын 1-нээс агаарын хилээ албан ёсоор нээсэн билээ.Турк улс руу зорчихдоо 

1. вакцины бүрэн тундаа хамрагдаад 14 хоносон бол түүнийгээ англи хэл дээрх гэрчилгээгээр баталгаажуулаад
2. сүүлийн зургаан сарын хугацаанд Ковид-19 вирусийн халдвар аваад эдгэрсэн бол түүнийгээ мөн англи хэл дээр баталгаажуулсан тамгатай тодорхойлолттой бол Монгол Улсын иргэдийг улсынхаа хилээр нэвтрүүлэхэд PCR шинжилгээ өгөх шаардлагагүй болсныг мэдээлсэн.