Бельги, Нидерланд хасагдах шатанд шалгарлаа

Хөлбөмбөгийн Европ тивийн аварга шалгаруулах 2021 оны тэмцээний В, С хэсгийн тоглолтууд боллоо. В хэсэгт Бельги 2-1 харьцаагаар Данийг хожсон бол С хэсэгт Нидерланд Австрийг, Украйн Умард Македоныг хожлоо.

В хэсэг:

Дани 1-2 Бельги

Гоол: Ю.Поульсен 2‘, Т.Азар 55’, де Бройне 70’

Шар хуудас: Д.Васс 59’, М.Дамсгор 69’, М.Йенсен 81’, Т.Азар 90+4’

Дани: К.Шмейхель, Й.Мехле, Я.Вестергор (А.Ольсен 84‘), С.Кьер, А.Кристенсен, Т.Дилейни (М.Йенсен 72‘), П.Хейбьерг, Д.Васс (К.Нёргор 61‘), М.Брейтуэйт, М.Дамсгор (А.Корнелиус 71‘), Ю.Поульсен (Й.Ларсен 61’)

Бельги: Т.Куртуа, Т.Алдервейрелд, Ж.Денайер, Я.Вертонген, Т.Менье, Ю.Тилеманс, Л.Дендонкер (А.Вицель 59‘), Т.Азар (Т.Вермайлен 90+4‘), Д.Мертенс (де Бройне 46‘), Р.Лукаку, Я.Карраско (Э.Азар 59‘)

Тоглолтын эхний хагаст Данийн талд үр дүн байсан ч хоёрдугаар хагаст Бельгийн шигшээ багаас де Бройне болон Э.Азар гэсэн шилдэг тоглогчид талбайд орж ирсэн. Бельгийн хоёр лидер бага зэрэг гэмтлийн улмаас де Бройне эхний тоглолтыг, Э.Азар эхний тоглолтонд сэлгээгээр тоглоод байсан. Тэгвэл энэ удаа мөн хоёулаа талбайд сэлгээгээр орж ирээд тоглолтын үр дүнг эргүүлж Бельги хасагдах шатанд шалгарах эрхтэй болж байна. Хэсгийн сүүлийн тоглолтын үр дүнгээс үл хамааран Бельги хасагдах шатанд шалгарна.

С хэсэг:

Украйн 2-1 Умард Македон

Гоол: Р.Яремчук 29’, А.Ярмоленко 34’, Э.Алиоский 57’

Шар хуудас: Н.Шапаренко 43’, Д.Велковский 59’, Д.Аврамовский 83’

Украйн: Г.Бущан, В.Миколенко, Н.Матвиенко, И.Забарный, А.Караваев, А.Зинченко, Т.Степаннко , Н.Шапаренко (С.Сидорчук 78‘), Р.Малиновский (Э.Соболь 90+2‘), Р.Яремчук (А.Беседин 70‘)

Умард Македон: С.Димитриевский, С.Ристовский, Д.Велковский (К.Ристевский 85’), В.Муслиу, Б.Николов (Д.Чурлинов 46‘), Э.Алиоский, А.Адеми (И.Тричковский 85‘), С.Спировский (А.Трайкосвкий 46‘), Э.Барди (Д.Аврамовский 77‘), Г.Пандев, Э.Элмас

Европын шилдэг хөлбөмбөгчин А.Шевченко дасгалжуулагчтай Украйн улсын шигшээ баг хэсгийн хоёрдугаар шатанд Умард Македоныг хожиж хасагдах шатанд шалгарах боломжийг бий болголоо. Хэрвээ хэсгийн сүүлийн тойрогт Австрийн шигшээ багтай тэнцэхэд Украйн улсын хөлбөмбөгийн шигшээ баг түүхэндээ анх удаагаа ЕАШТ-ний хасагдах шатанд шалгарна. Энэ өдөр Р.Яремчук, А.Ярмоленко нар гоол оруулж багаа ялалтанд хөтөлсөн бол Умард Македоноос жигүүрийн хамгаалагч Э.Алиоский нэг гоол оруулсан.

Нидерланд 2-0 Австри

Гоол: М.Дефай пен 11’, Д.Дюмфрис 67’

Шар хуудас: де Рон 14’, Д.Алаба 10’, Д.Бахман 67’

Нидерланд: М.Стекеленбург, Д.Дюмфрис, де Врей, де Лигт, Д.Блинд (Н.Аке 64‘), ван Анхолт (О.Вейндал 64‘), де Рон (Р.Гравенберх 74‘), Ж.Вейналдум, де Йонг, В.Вегхорст (Д.Мален 64‘), М.Дефай (де Йонг 82‘)

Австри: Д.Бахман, Ш.Лайнер, А.Драгович (Ф.Линхарт 84‘), М.Хинтерггер, А.Ульмер, К.Баумгартнер (В.Лазаро 70‘), К.Шлагер (К.Онисиво 84‘), К.Лаймер (Ф.Гриллич 61‘), Д.Алаба, М.Грегорич (С.Калайжич 61‘), М.Забицер

Хэдийгээр багийн шилдэг хамгаалагчид байхгүй ч Нидерландын шигшээ баг эрэмбэ зааж хэсгийн эхний хоёр тоглолтоос хожил аваад байна. Австрийг 2-0 харьцаатай хожиж хэсгээ итгэл төгс тэргүүлж байгаа бөгөөд довтлогч М.Дефай торгуулийн цохилтоор эхний гоолыг оруулсан бол хамгаалагч Д.Дюмфрис багийнхаа хожлыг баталгаажуулж 67 дахь минутад гоол оруулжээ.