ЗГ: Хоолны газруудыг заалаар үйлчлүүлэхгүй, амралтын газруудыг хаах зэргийг эцэслэн шийдвэрлэнэ

Засгийн газрын ээлжит хуралдаан өглөө 08:00 цагт эхэлсэн. Хуралдаанаар 19 асуудал хэлэлцэхээр төлөвлөжээ. Мөн коронавирусийн халдварын нөхцөл байдал, авч хэрэгжүүлж байгаа шуурхай арга хэмжээний талаар хэлэлцэнэ. Өнгөрөгч Даваа гаригт УОК  хуралдаж, хөл хорихгүйгээр одоогийн улбар шар түвшинд хяналтаа тавиад явна. Цагдаа, Мэргэжлийн хяналтын байгууллагуудыг иргэд, аж ахуйн нэгжид тавих хяналтаа чангаруулахыг Улсын онцгой комиссын дарга, Монгол Улсын Шадар сайд чиглэл болгосон.  Мөн хоол үйлдвэрлэл, үйлчилгээний газруудыг заалаар үйлчлэхийг түр хугацаанд хязгаарлаж, мөн амралт, жуулчны баазуудын үйл ажиллагааг хязгаарлах талаар өчигдөр Шадар сайд мэдээлсэн. Дээрх асуудлуудыг Засгийн газрын хуралдаанд танилцуулж эцэслэн шийдвэрлэнэ.

•  Засгийн газар хоорондын комиссуудын Монголын хэсгийн удирдах бүрэлдэхүүний тухай Засгийн газрын тогтоолын төсөл,
• 2020 оны төсвийн гүйцэтгэл батлах тухай УИХ-ын тогтоолын төсөл,
• Ерөнхийлөгчийн тухай хуулийн шинэчилсэн найруулгын төсөл болон уг хуулийн төсөлтэй холбогдуулан боловсруулсан бусад хуулийн төсөл,
• Хүний бэрхшээлтэй хүний хөгжлийн төв байгуулах тухай Засгийн газрын тогтоолын төсөл,
• Агаарын тээврийн талаар авах зарим арга хэмжээний тухай Засгийн газрын  огоолын төсөл,
• Богдхон төмөр замын талаар авах зарим арга хэмжээний тухай тогтоолын төсөл,
• Ой тэмдэглэх тухай Засгийн газрын тогтоолын төсөл,
• Эдийн засгийн ач холбогдол бүхий томоохон төслүүдийг санхүүжүүлэх эх үүсвэрийн талаар,
• Махны  экспортын хүрээнд авч хэрэгжүүлж байгаа арга хэмжээний талаар зэрэг асуудлыг  хэлэлцэхээр төлөвлөжээ. 

Засгийн газрын хуралдаанаас гарсан шийдвэрийнх 11:40 цагт мэдээлэл хийх юм байна.