Л.Баттөр: PCR шинжилгээг төлбөртэй болгохыг эцэслэн шийдэгдээгүй байна

Өнөөдрийн /2021.06.15/цар тахлаас урьдчилан сэргийлэх Түр хорооны хуралдааны үеэр PCR шинжилгээг төлбөртэй болгох, эсэх тухай асуудал яригдлаа. Энэ төрлийн шинжилгээг үнэгүй авч байгаа нь эдийн засагт хүндрэл учруулж байгаа тул төлбөртэй болгох асуудал яригдсан байна. 

ЭМЯ–ны Эмнэлгийн тусламжийн бодлогын хэрэгжилтийг зохицуулах газрын дарга Б.Буянтогтох хэлэхдээ "Халдварын голомт дагасан ойрын хавьтлын шинжилгээг төлбөртэй болгохгүй. Сайн дурын "PCR" шинжилгээ нөөцөд ихээр нөлөөлж, сайн дурын шинжилгээний эерэг илэрц нь бага, PCR шинжилгээний нөөцөөс зарцуулагдаж байна. Энэ асуудлыг зохицуулах хэрэгтэй" хэмээсэн бол ХӨСҮТ-ийн дарга Л.Баттөр "Хавьтлын бусад PCR шинжилгээ үнэ төлбөргүй хийгдэнэ. Харин чартер нислэг, сайн дурын  "PCR" шинжилгээг төлбөртэй болгох талаар яригдсан. Гэхдээ одоогоор эцэслэн шийдвэрлэгдээгүй байна" хэмээсэн юм.