Халдвар авч байгаа 10 хүн тутмын 9 нь бүрэн вакцингүй иргэд байна

Сүүлийн 24 цагт коронавирусийн халдвар илрүүлэх зорилгоор 11555 шинжилгээ хийх явцад 2386 хүнээс халдвар илэрсэн талаар ЭМЯ-наас мэдээллээ.

Бүртгэгдсэн халдваруудын 618 нь 0-17 насны хүүхэд байна. Вакцинд хамгийн идэвх султай хамрагдсан 30-34 насныхан халдвар их авч буй.

Өөрөөр хэлбэл, өдөр бүр халдвар авч байгаа хүмүүсийн 90 хувь нь вакцинаа бүрэн хийлгээгүй иргэд байна.  Сүүлийн гурван өдөр халдвар авсан 6600 гаруй хүний 6000 нь буюу 90 хувь нь вакцины хоёр дахь тунгаа хийлгээгүй, огт хийлгээгүй байжээ. Түүнчлэн хоёр дахь тунгаа хугацаандаа ирж хийлгэж амжаагүй нэг тунтай иргэд, хүнд өвчтэй буюу дархлаа сул, хүүхдүүд өвчилж байна.

Харин хоёр дахь тунгаа тариулаад 14-өөс дээш хоносон иргэд хамрын ханиад мэт халдвар авч эрсдлээс бүрэн хамгаалагдаж байгааг мэргэжилтнүүд хэллээ.

АНУ-ын тухайд вакцины давтан тун 14 хоносон иргэдээс ПСР авахгүй байгаа тул тоо багасаж бас вакцинтай иргэд айж сандрахгүй байж болох дадалд сургаж байна. Манайх энэ чиглэл рүүгээ мөн ажиллаж байгаа.