Ч.Эрдэмбилэг: Жирэмсэний 14-36 долоо хоногтой эмэгтэйчүүд Файзер вакцинд хамрагдаж болно

ЭМЯ-ны төрийн нарийн бичгийн дарга Ч.Эрдэмбилэг жирэмсэн эмэгтэйчүүд дархлаажуулалтад хамрагдаж болох эсэх талаар мэдээлэл өглөө. Улсын хэмжээнд 1152 эмэгтэй Ковидын халдвар авсан байна. Өнөөдрийн байдлаар 114 жирэмсэн эмэгтэй гэрээр эмчлэгдэж байгаа бол 250 эмэгтэй эмнэлэгт  эмчлэгдэж байна. Харамсалтай нь хоёр жирэмсэн эмэгтэй амь насаа алдсан байна. 

Маш олон жирэмсэн эмэгтэйчүүд дархлаажуулалтад хамрагдаж болох эсэх талаар асууж байгаа учир ЭМЯ-ны өнөөдрийн мэдээллээр Файзер вакциныг жирэмсэн эмэгтэйд хийхэд ямар нэгэн сөрөг нөлөөгүй гэдгийг хэллээ. 

Дэлхий нийтэд 1000 жирэмсэн эмэгтэй тутмын 10.5 хувь нь эрчимт эмчилгээнд хамрагдах шаардлагатай бол 1.5 хувьд нь эхийн эндэгдэл үүсэх магадлалтай байна. Тиймээс жирэмсэн, хөхүүл эмэгтэйчүүд, бага насны хүүхдүүд, I тун вакциндаа хамрагдсан иргэд халдвар авах нь ихсэж байгаа учир жирэмсэн эмэгтэйчүүдийг дархлаажуулах шаардлагатай байна гэдгийг хэллээ. 

Тиймээс зургаадугаар сарын 14-ний өдрөө эхлэн жирэмсэн эмэгтэйчүүдийг сайн дурын үндсэн дээр цаг авч Файзер вакцинд хамрагдах боломжтой боллоо гэдгийг хэллээ.