“Nike”-ийг грек цагаан толгойн үсгийг алдаатай ашигласан гэж шүүмжилжээ

Америкийн  спорт барааны “Nike” брэнд нь грек цагаан толгойн үсгээр гангарсан шинэ пүүз зах зээлд гаргаад хэрэглэгчдэдээ ихээхэн шүүмжлүүлж байгаа тухай “Independent” мэдээлжээ.

 “Air Force 1 Lows” гэдэг шинэ загварын пүүзийг Эртний Грекийн ялалтын охин тэнгэрт Нике –д зориулж “Nike” гэсэн үгээр чимэхдээ Грек цагаан толгойн үсгийг ашиглажээ. Гэтэл  “Twitter”-ийн нэгэн  хэрэглэгч тус брэндийн дизайнеруудын НИКЕ гэж Грек үсгээр бичсэн нь үнэн хэрэг дээрээ “ПИКС” гэж уншигдаж байгааг хэлж шүүмжилжээ.  Тэрээр “Уур хүрч байна. Яахаа ч мэдэхгүй юм. Зөвхөн тэнэг хүн л “пикс” гэсэн бичигтэй пүүз өмсчхөөд “Нике” гэж бичсэн байгаа гэж боддог биз. Тэнэгүүд юу өмсөх нь надад хамаагүй ч гэлээ энэ дэлхий дээр 11 сая грек хүн амьдардаг байтал ядаж ганцаас нь ч болов асууж болоогүй юм уу” гэж бухимджээ. Түүний энэ тайлбар асар хурдацтай тархаж, олон хэрэглэгчид дэмжсэн байна. Харин “Nike” компани өөрийн алдааны талаар ямар нэг тайлбар хийгээгүй байна.