Хойд Солонгосын удирдагч турсныг өвчний шинж гэжээ

Хойд Солонгосын удирдагч Ким Жон Ун сүүлийн үеийн зургууд дээр их турсан гарч байгаагаас болж  Өмнөд Солонгосын сэтгүүлчид түүнийг хүнд өвчний шинж тэмдэг байж болзошгүй тухай яриа гаргажээ.

 “NK News” сувгийн мэдээлж буйгаар сэтгүүлчид Хойд Солонгосын удирдагчийн хамгийн сүүлд гарч ирсэн зургуудад дүн шинжилгээ хийжээ. Ингэхэд хамгийн сүүлд сар гаруй бараа сураггүй болоод гарч ирсэн зураг дээр ихээхэн жин хассан нь харагдаж байж. Жишээлэхэд, Ким Жон Ун нь бугуйн цагаа өмнөхөөсөө олон нүд ахиулж чангалсан байгаа нь нүдэнд нь тусжээ.

 Ингэж их турсныг зарим шинжээчид эрүүл амьдралын хэв маягийг баримталж байгаатай холбон тайлбарлаж. Ажиглагчдын хэлж байгаагаар Ким Жон Ун нь 2011 онд төрийн эрхэнд гарсан цагаасаа жил бүр тогтмол 6-7 кг жин нэмсээр 2020 онд ойролцоогоор 140 кг татах болсон юм байна. Гэхдээ өөр зарим судлаач нь жин их хасагдсаныг хүнд өвчний шинж тэмдэг байж болзошгүй гэжээ. Ким Жон Уныг эрүүл мэнд асуудалтай болсон цуурхал сүүлийн үед их гарах болсон.

 Ким нь сар гаруй таг чиг байж байгаад зургаадугаар сарын 6-нд олны өмнө гарч ирсэн. Түүнийг удаан хугацаанд сураггүй болоод байгааг Өмнөд Солонгосын улсаа нэгтгэх яамны Ли Жон Жу анх анзаарч олны анхаарлыг хандуулсан байна. Түүний ярьж байгаагаар энэ жил Ким нь ингэж удаан сураггүй болж байгаагүй аж.

 Ер нь сүүлийн жилүүдэд Хойд Солонгосын удирдагч үе үе сураггүй болдог болсон гэвэл нэг их хэтрүүлэг болохгүй байх. Үүнээс өмнө 2020 оны хавар хэвлэл мэдээллийн хуудаснаа гарахгүй сураггүй болсон. Энэ хугацаанд Хойд Солонгосыг үүсгэн байгуулагч, өөрийн өвөө Ким Ил Соны төрсөн өдөр гэсэн маш чухал тэмдэглэлт өдрөөр олон нийтийн арга хэмжээнд оролцоогүй. Үүнээс болоод Өмнөд Солонгосын зарим хэвлэлд түүнийг үхлүүд өвдсөн эсвэл нас барсан туухай шуугьж байтал дөрөвдүгээр сарын 21 нь Хойд Солонгосын ТВ сувгуудаар гарч ирсэн юм.