У.Хүрэлсүх зургадугаар сарын 25-нд тангараг өргөнө

УИХ-ын Төрийн байгуулалтын байнгын хорооны өнөөдрийн /2021.06.11/ хуралдаанаар Ерөнхийлөгчийн сонгуульд олонхын санал авсан У.Хүрэлсүхийн Ерөнхийлөгчийн бүрэн эрхийг хүлээн зөвшөөрөх, Ерөнхийлөгчийн тангараг өргөх тов тогтоох асуудлыг хэлэлцлээ. МАН-аас нэр дэвшсэн У.Хүрэлсүхийг Монгол Улсын Ерөнхийлөгчөөр сонгогдсон гэж үзэж, бүрэн эрхийг нь хүлээн зөвшөөрөх тухай тогтоолыг батлахыг байнгын хорооны хуралдааны олонх дэмжсэн юм.

Харин шинэ Ерөнхийлөгчийн тангараг өргөх ёслолыг 2021 оны зургадугаар сарын 25-ны өдрийн 11:45 цагт байхаар товлолоо. 

Уг тогтоолыг өнөөдөр УИХ-ын чуулганаар эцэслэн батална.