Хэнтийн нөхөн сонгуулийн горилогчид тодорч эхэллээ

Нийслэлийн Сонгинохайрхан дүүргээс гадна УИХ-ын 18-р тойрог буюу Хэнтий аймагт  мөн нөхөн сонгууль болох шаардлага үүсч байна. Учир нь тус тойргоос МАН-аас сонгогдсон У.Хүрэлсүх Ерөнхийлөгчийн сонгуульд ялалт байгуулсан тул УИХ-ын гишүүнээсээ чөлөөлөгдөнө. Иймд дээрх тойрогт нөхөн сонгууль ирэх аравдугаар сард зохион  байгуулагдана гэсэн мэдээлэл байна.

 Түрүүчээсээ МАН-аас горилогчдын нэрс яригдаад эхэлжээ. Хэнтийн нөхөн сонгуульд МАН-аас Соёлын дэд сайд М.Батбаяр хамгийн өндөр магадалтай байгааг эх сурвалж хэллээ. Мөн Соёлын яамны Төрийн нарийн бичгийн дарга, гавьяат жүжигчин Г.Эрдэнэбат ч өрсөлдөх сонирхолтой байгаа аж. Тэд хоёулаа Хэнтийн гаралтай. Тодруулбал, М.Батбаяр нь Хэнтий аймгийн Баян-Овоо суманд төрсөн.Харин Г.Эрдэнэбат Хэнтий аймгийн Өмнөдэлгэр сумын нутагт төрсөн.

УИХ-ын Сонгуулийн тухай хуулийн 9.9 дүгээр заалтад Улсын Их Хурал нөхөн сонгуулийг санал авах өдрийн хамт санал авах өдрөөс 70-аас доошгүй хоногийн өмнө нөхөн сонгууль явуулах нөхцөл байдал үүссэнээс хойш 50 хоногийн дотор энэ хуульд нийцүүлэн товлон зарлана гэж заажээ.