АНУ цар тахлын гарал үүслийн асуудал дээр Хятадыг илүү нээлттэй байхыг уриалав

Хятадыг шинэ корона вирусийг лабораторийн нөхцөлд гарган авч, хариуцлагагүйн улмаас алдаж, цах тахлыг дэгдээсэн гэдэг хардалт тасрахгүй байна. Дэлхийн эрүүл мэндийн байгууллага Ухань шалгалт хийсний дараа корона вирусийг Хятадын лабораторид зохиомол аргаар гаргасан авсан гэх магадлал хамгийн бага гэсэн дүгнэлт гаргасан. Үүний дараа корона вирусийн гарал үүслийн талаарх яриа бусад асуудалд дарагдан мартагдаж болох байсан ч АНУ-ын удирдлага эргэлзсэн хэвээр байгаа бөгөөд янз бүрийн мэдэгдэл хийж Хятадыг хардах, буруутгах байдлыг улам дэвэргэж байгаа аж.

 Энэ удаад АНУ-ын Төрийн нарийн бичгийн дарга Энтони Блинкен ээлжит мэдэгдэл хийж, Хятадыг корона вирусийн асуудлаар илүү нээлттэй байх ёстой гэжээ. Түүнийг “Axios” сайтад ярилцлага өгөх үеэр түүнээс Бээжин Уханийн вирус судлалын лабораториос корона вирусийг алдсан гэдгээ нууж байсан нь илэрвэл яах вэ гэж асуусан байна. Блинкен хариуд нь “Бид болсон зүйлийн учрыг олох ёстой. Хариуцлага гэж байх ёстой ч миний бодлоор хамгийн гол нь бид дараагийн цар тахлаас яаж урьдчилан сэргийлэх эсвэл үр дагаврыг зөөллөх ажлыг илүү үр дүнтэй болгох хэрэгтэй байх. Гэтэл Хятадын Засгийн газар анхнаасаа ийм зүйл хийгээгүй, одоо ч хийхгүй байна. Тэд нээлттэй байж чадаагүй. Олон улсын хамтын нийгэмлэгт, бидэнд шинжээч, судлаачдыг чөлөөгүй нэвтрүүлж, цаг тухайд нь мэдээлэл солилцож байх нь чухал болохоор ийм зүйл болох ёстой” гэжээ. Мөн Хятадыг олон улсын хариуцлагатай тоглогч гэж хэлэгдэхийг хүсэж байгаа бол цаашид өөрт байгаа бүх мэдээллийг дэлгэх ёстой гэжээ.

 Бээжин нь ямар ч мэдээлэл нуугаагүй, корона вирусийн гарал үүслийн асуудал дээр дээд зэргээр нээлттэй байгаа гэдгээ удаа дараалан мэдэгдэж байгаа юм. Ийм нөхцөлд АНУ-ын удирдлага Хятадаас юу нь мэдэгдэхгүй их мэдээлэл дэлгэж, бүр ч илүү нээлттэй байхыг шаардаж байгааг Бээжин ямар ч үндэслэлгүй гэж мэдэгдэж байгаа юм.