"Монголын төмөр зам" ТӨХК-ийн захирал Р.Батсүх Гавьяат тээвэрчин боллоо

"Монголын төмөр зам" ТӨХК-ийн захирал Р.Батсүх өнөөдөр /2021.06.05/ Ерөнхийлөгчийн зарлигаар Монгол Улсын гавьяат тээвэрчин цол тэмдгээр шагнууллаа.

Түүнд энэхүү цолыг олгохдоо "Монгол Улсын Ерөнхийлөгчийн санаачлагаар нийгэм, эдийн засгийн тогтвортой өсөлтийг хангаж үйлдвэржүүлэх, дэд бүтцийг сайжруулах “Тавантолгой-Зүүнбаян” чиглэлийн 416.1 км төмөр замын бүтээн байгуулалтын ажлыг удирдсан түүхэн бүтээн байгуулалт хийсэн ажлыг үнэлж" байна гэдгийг Ерөнхийлөгч зарлигтаа тодотгожээ.

Р.Батсүх нь 1976 онд Төв аймгийн Сэргэлэн суманд төрсөн.1983-1993 онд Төв аймгийн Сэргэлэн сумын 10 жилийн дунд сургууль, 1993-1998 онд Төмөр замын дээд сургуулийг Төмөр замын ашиглалтын инженер мэргэжлээр, 2000-2001 онд Удирдлагын хөгжлийн институтийг Удирдлагын арга зүй, 2007-2009 онд Тайланд улсын Бангког хотноо Азийн технологийн их сургуулийг Тээврийн инженерийн мастер зэрэгтэйгээр тус тус суралцаж төгссөн.

• 1988-1999 онд “УБТЗ” ХНН Дархан өртөөнд Галт тэрэгний холбогч найруулагч АВХ
• 1999-2003 онд Ачаа тээврийн албанд Сургалт засварын инженер
• 2003-2007 онд Айраг өртөө зангилааны Дарга
• 2009-2010 онд ЗГХА, төмөр замын газарт Техник, технологийн мэргэжилтэн
• 2012-2013 онд Зам, тээврийн яаманд Мэргэжилтэн
• 2013-2015 онд Азийн хөгжлийн банкинд Логистикийн чадавхийг хөгжүүлэх төслийн зохицуулагчаар тус тус ажиллаж байсан.
• 2018 оны 07 сараас “Монголын төмөр зам” ТӨХК-ийн Дэд захирлаар

• 2019 оноос "Монголын төмөр зам" ТӨХК-ийн захирлаар ажиллаж байна.