МАН сонгуулийн сурталчилгааг зогсоож байгаагаа мэдэгдлээ

"Зөв ХҮН электорат" эвслээс Монгол Улсын Ерөнхийлөгчийн сонгуульд нэр дэвшиж буй Д.Энхбатаас коронавирусийн халдвар илэрсэнтэй холбоотойгоор  үлдсэн өдрүүдийн сонгуулийн сурталчилгааг цахимаар явуулахыг ХҮН бусдадаа уриалсан юм.

 Тэгвэл ХҮН-ын саналыг МАН хүлээн авч байгаагаа тус намын  Ерөнхий нарийн бичгийн дарга Д.Амарбаясгалан мэдэгдлээ. Тэрээр "МАН-ын зүгээс ХҮН-ын уриалгыг хүлээн авч коронавирусийн халдварын эрсдэл нэмэгдэх аливаа хэлбэрийн сонгуулийн сурталчилгааг өнөөдрөөр зогсоож байна. Цаашид зөвхөн цахимаар болон хэвлэл мэдээллийн сувгаар сурталчилгааг үргэлжлүүлнэ" гэлээ.

Ингэснээр нэр дэвшигчдийн мэтгэлцээн цахимаар явагдах нөхцөл бүрдэж байна.