Төмөр замын төслийг амжилттай удирдсан Д.Жаргалсайханд Хөдөлмөрийн баатар цол олголоо

Ерөнхийлөгчийн зарлигаар өнөөдөр /2021.06.05/Зэвсэгт хүчний Жанжин штабын Бүтээн байгуулалтын дэмжлэгийн газрын дарга Дамдинсүрэнгийн Жаргалсайханд  Хөдөлмөрийн баатар цол олголоо. Тэрбээр “Тавантолгой-Зүүнбаян”, “Тавантолгой-Гашуунсухайт” чиглэлийн төмөр замын бүтээн байгуулалтын төслийг амжилттай удирдсан юм.

Одоогоос хоёр жилийн өмнө  нээлтээ хийсэн Тавантолгой-Зүүнбаян чиглэлийн 416.1 км хэвтээ тэнхлэгийн төмөр замын дээд, доод бүтцийн ажил үндсэндээ дуусаж, энэ сард хүлээлгэн өгөх гэж байна.

Д.Жаргалсайхан өмнө нь Ерөнхийлөгчийн Тамгын газарт Зохион байгуулалтын хэлтсийн даргаар ажиллаж байгаад 2019 оноос эхлэн  ЗХЖШ-ын Зэвсэгт хүчний Бүтээн байгуулалтын дэмжлэгийн газрын даргаар томилогдсон. Тэрбээр 2012-2016 оны хугацаанд Баянхонгор аймгийн засаг даргаар ажиллаж байсан юм.