Найман настай хүүхэд Сovid-19-өөр нас барсан анхны тохиолдол бүртгэгдлээ

Өнгөрсөн 24 цагт 13 хүн коронавирусийн халдвараар нас барсан талаар ЭМЯ-наас мэдээлсэн. Насны хувьд 47-91 насны иргэд халдварын нэн хүнд хэлбэрээр нас барсан гэдгийг тодотгосон. Тэгвэл үүн дунд ЭХЭМҮТ-д хэвтэн эмчлүүлж байсан найман настай хүүхэд коронавирусийн улмаас амь насаа алдсан байна. Ингэснээр манай улсад анх удаа хүүхэд Сovid-19 шалтгаанаар нас барав.

Уг мэдээллийг ихэд нууцалж байгаа учраас олон нийтэд мэдээлээгүй гэдгийг эх сурвалж хэллээ.

Улсын хэмжээнд коронавируст халдвараар 0-18 хүртэлх насны нийт 14027 хүүхэд өвчилсөн. Өнгөрсөн 24  цагт өмнөх өдрөөс 335 хүүхдээр нэмэгдсэн. Халдвар авсан нийт хүүхдийн 89.43 хувь  буюу 12545 хүүхэд Улаанбаатар хотод, 10.39 хувь буюу 1458 хүүхэд хөдөө орон нутагт тус тус бүртгэгдсэн. Харин 24 хүүхэд буюу 0.17 хувь нь гадаадаас зөөвөрлөгдсөн тохиолдол байна.

. Өвчилсөн хүүхдүүдийг насны бүлгээр авч үзвэл:

• 0-4 насны хүүхэд 3207 буюу 22.86%,
• 5-9 насны хүүхэд 4555 буюу 32.47%,
• 10-14 насны хүүхэд 4253 буюу 30.32%,
• 15-17 насны хүүхэд 2012 буюу 14.34% тус тус байна.