Ихэнхи нутгаар дуу цахилгаантай аадар бороо орж, салхилна

Цаг уур орчны шинжилгээний газраас зургадугаар сарын 6-наас 10-ны өдрүүдийн цаг агаарын урьдчилсан төлөв байдлыг хүргэлээ. Хугацааны эхээр ихэнх нутгаар сэрүүхэн, 5-нд баруун аймгуудын баруун хэсгээр, 6-нд нутгийн баруун хагаст, 7-нд нутгийн зүүн хагаст салхи, шуургатай байна. 8-нд төвийн аймгуудын нутгийн зүүн хэсэг, зүүн аймгуудын нутгийн зарим газраар, 9-нд баруун аймгуудын нутгийн баруун хэсгээр бороо, дуу цахилгаантай аадар бороо орж, борооны өмнө салхи түр зуур ширүүснэ. 

Салхи 6-нд ихэнх нутгаар, 7-нд говь, тал, хээрийн нутгаар секундэд 15-17 метр, зарим үед секундэд 24 метр хүрч ширүүсч, шороон шуурга шуурна. Энэ сарын 6-нд нутгийн баруун хагаст, цаашдаа ихэнх нутгаар сэрүүсч Алтай, Хангай, Хөвсгөл, Хэнтэйн уулархаг нутаг, Завхан голын эх, Хүрэн бэлчир орчим, Туул, Тэрэлж голын хөндийгөөр шөнөдөө гурван градус хүйтнээс хоёр градус дулаан, өдөртөө 4-9 градус, Их нууруудын хотгор, говийн бүс нутгийн баруун өмнөд хэсгээр шөнөдөө 8-13 градус, өдөртөө 13-18 градус, бусад нутгаар шөнөдөө 3-8 градус, өдөртөө 8-13 градус дулаан байна. 

Харин энэ сарын 8-нд нутгийн баруун хэсгээр, 9-нд ихэнх нутгаар дулаарна.