Сүүлийн хоногт коронавирусийн халдвараар 335 хүүхэд өвчилжээ

Монгол Улсад  өнөөдрийн байдлаар коронавируст халдвар (КОВИД-19)-ын нийт 62,585 батлагдсан тохиолдол бүртгэгдсэн. Үүнээс дотоодын халдвар 61,857 (УБ-55,409, орон нутаг-6448), зөөвөрлөгдсөн 511, эрүүл мэндийн салбарын 217 байна.

 КОВИД-19 батлагдсан 5096 тохиолдол Улаанбаатар хот, 20 аймгийн нийт 54 эрүүл мэндийн байгууллагад хэвтэн эмчлүүлж байна. Үүнээс:

• Улаанбаатар хотын ЭМБ- 4356 буюу 85.5%
• Хөдөө орон нутгийн ЭМБ-д 740 буюу 14.5%  байна.
  

Эдгээр өвчтөний 2755 буюу 54.1 хувь нь хөнгөн, 1741 буюу 34.2 хувь нь хүндэвтэр, 474 буюу 9.3 хувь нь хүнд, 126 буюу 2.5 хувь нь маш хүнд өвчтөн байна.

 Сүүлийн 24 цагт коронавируст халдвар (Ковид-19)-ын шалтгаант нас баралтын 13 тохиолдол бүртгэгдсэн. Нийт нас баралтын тохиолдлын тоо 315, үүнээс: 

• коронавируст халдварын шалтгаант нас баралт-301, 
• бусад шалтгаант нас баралт -14

 Хүүхдийн өвчлөл: (6 сарын 03-ны байдлаар)

Улсын хэмжээнд коронавируст халдвараар өвчилсөн 0-18 хүртэлх насны 14,027 хүүхэд байгаа нь нийт 61,396 тохиолдлын 22.85 хувийг эзэлж байна. Өмнөх өдрөөс 335 хүүхдээр нэмэгдсэн. Халдвар авсан нийт хүүхдийн 89.43% буюу 12545 хүүхэд Улаанбаатар хотод, 10.39% буюу 1458 хүүхэд хөдөө орон нутагт тус тус бүртгэгдсэн. Харин 24 хүүхэд буюу 0.17% нь гадаадаас зөөвөрлөгдсөн тохиолдол байна. Өвчилсөн хүүхдүүдийг насны бүлгээр авч үзвэл:

• 0-4 насны хүүхэд 3207 буюу 22.86%,
• 5-9 насны хүүхэд 4555 буюу 32.47%,
• 10-14 насны хүүхэд 4253 буюу 30.32%,
• 15-17 насны хүүхэд 2012 буюу 14.34% тус тус байна.

Улсын хэмжээнд 2021 оны 6 дугаар сарын 03-ны өдрийн байдлаар коронавируст халдвараар өвчилсөн 958 хүүхэд эмнэлэгт хэвтэн эмчлэгдэж байна.