“COVID-19” халдвараар 11 мянга гаруй хүүхэд өвджээ

Улсын хэмжээнд коронавируст халдвараар өвчилсөн 0-18 хүртэлх насны 11940 хүүхэд байгаа нь нийт тохиолдлын 20 гаруй хувийг эзэлж байна.  Халдвар авсан нийт хүүхдийн 10 мянга гаруй  хүүхэд Улаанбаатар хотод, үлдсэн нь хөдөө орон нутагт тус тус бүртгэгдсэн. Харин 24 хүүхэд гадаадаас зөөвөрлөгдсөн тохиолдол байна. Өвчилсөн хүүхдүүдийг насны бүлгээр авч үзвэл:

• 0-4 насны хүүхэд 2699 буюу 22.60%,
• 5-9 насны хүүхэд 3848 буюу 32.23%,
• 10-14 насны хүүхэд 3669 буюу 30.73%,
• 15-17 насны хүүхэд 1724 буюу 14.44% тус тус байна.

 Улсын хэмжээнд 2021 оны тавдугаар сарын 26-ны өдрийн байдлаар коронавируст халдвараар өвчилсөн 831 хүүхэд эмнэлэгт хэвтэн эмчлэгдэж байна.