Манай улсад генийн мутац үүсч, монгол мутац гарчээ

Коронавирус Монголд нутагшиж шинээр генийн мутац үүсч, монголжсон хувилбар гарсан байж болзошгүй талаар эх сурвалж мэдээллээ. Одоогоор уг мэдээллийг нууцалж байгаа юм.

Дэлхий нийтэд 10 орчим хувилбар тархаад буй. Эдгээр хувилбар вирусийн тархалтыг нэмэгдүүлж, эмнэл зүйн хүнд хэлбэрийг үүсгэж, дархлааны хариу урвалыг бууруулдаг нь тогтоогдсоныг мэргэжилтнүүд хэлж байгаа.

Манай орны хувьд ХӨСҮТ-ийн Вирус судлалын лавлагаа, лабораторийн гурван эрдэмтэн судлаач Япон улсын Халдварт өвчин судлалын үндэсний хүрээлэнд очиж, манай улсад тархаад буй хувилбарыг тодорхойлж судалгаа хийсэн. Манайд анх бүртгэсэн хувилбар Хятадад анх бүртгэгдсэн Ухань хувилбартай төстэй байсан. Цаг хугацаа өнгөрөх тусам өөрчлөгдөж одоогоор B.1.1.46 гэсэн хувилбар өргөн тархаад байна. Энэ хэлбэр нь дотроо тархалтыг ихэсгэдэг, эмнэлзүйг хүндрүүлдэг мутац өөрчлөлт илэрч байгааг ХӨСҮТ-ийн Вирус судлалын лабораторийн судлаач Г.Цогзолмаа саяхан мэдээлсэн.

Тэгвэл саяхан монголжсон хувилбар шинээр үүсч, генийн мутац вакцинд төдийлөн үр дүн муу гэж үзжээ.Үүнтэй холбоотойгоор ЭМЯ хатуу хөл хориог сонгуулийн дараа тогтоох эсэх асуудлыг  дотроо ярьж байгаа талаар бид мэдээлсэн. 

Монгол Улсад коронавируст халдварын нийт 55067 батлагдсан тохиолдол бүртгэгдсэн. Үүнээс дотоодын халдвар 54344 (УБ-48729, орон нутаг-5615), зөөвөрлөгдсөн 509, эрүүл мэндийн салбарын 214 байна.