Вакцин хийлгэсэн өсвөр насныхны зүрхэнд нь асуудал үүсчээ

АНУ-д коронавирусийн эсрэг вакцин хийлгэсэн өсвөр насны хүүхдүүдэд зүрхний булчингийн үрэвсэл буюу миокардит үүсэн хэд хэдэн тохиолдлыг АНУ-ын Өвчин эмгэгийг хяналтын төв мөрдөн шалгаж эхэлсэн тухай “The New York Times” бичсэн байна.

  Өсвөр насныханд “Moderna” болон “Pfizer/BioNTech” вакцины хоёр дах тунг хийснээс дөрөв хоногийн дараа зүрхний булчин өвдсөн тухай олон арван мэдээлэл ирсэн байна. үүнтэй холбоотойгоор тус төвөөс эмч нарт хандан дөнгөж саяхан вакцин хийлгэсэн залуус, өсвөр насныханд зүрхний хэвийн бус шинж тэмдэг илрэх эсэхэд анхааралтай хандахыг уриалсан гарын авлага тараажээ. Гэхдээ шинжээчдийн үзэж байгаагаар Covid-19-ийн болзошгүй эрсдэлийн дэргэд зүрхэнд асуудал үүсэх ховор гаж нөлөө нь юу ч биш юм гэнэ.