Герман улс цар тахлын улмаас 300 тэрбум еврогийн хохирол амсжээ

Корона вирусийн цар тахлын улмаас Германы эдийн засагт учирсан хохирлын хэмжээг Көлн хот дах Германы эдийн засгийн хүрээлэн 300 тэрбум еврогоор үнэлсэн тухай “Welt” сонин мэдээлсэн байна.

Германы Эдийн засгийн хүрээлэнгийн тэргүүн Михаэль Хютер нь “Welt” сонинд ярилцлага өгөх үеэрээ энэхүү хохирлыг барагдуулах гэж германчууд олон олон жил ажиллах шаардлагатай болно гэсэн байна.

Германд дах COVID-19-ийн өвчлөлийн статистикийг хөтөлж байгаа Роберт Кохын хүрээлэнгийн тооцсоноор Германд корона вирусийн халдварыг 3 сая 648 мянга 958 хүн авч, 87 мянга 380 хүн нас барсан. 3,3 сая гаруй хүн эдгэрсэн.

Оросын Гадаад яамны орлогч сайд С.Вершинин цар тахлын улмаас дэлхийн эдийн засагт учирсан хохирлын хэмжээг 3,5 тэрбум доллар гэж мэдэгдсэн бөгөөд энэ бол 2008 оны санхүүгийн хямарлаас учирсан хохирлоос даруй хоёр дахин өндөр байгааг онцолж байсан юм.