Америк хүн бүрд өгсөн 1,4 мянган долларын чекийг олон мянган япончууд хүлээн авчээ

Байдены Засгийн газраас цар тахлын улмаас хохирсон эдийн засгаа сэргээх үүднээс америкчуудад тараасан 1,4 мянган долларын чекийг яагаад ч  далайн чанадад амьдрах хэдэн мянган япончууд хүлээн авах болсон байна.

Гэтэл АНУ-ын Татварын алба алдаа гаргаснаас болж Японы олон мянган иргэд энэхүү тусламжийн 1,4 мянган долларын чекийг хүлээн авсан болж таарчээ. Одоо Японы банкнуудад 1,4 мянган долларыг бэлнээр авах гэсэн хүмүүс урт дараалал үүсгэн зогсоож байгаа тухай “The Financial Times” сонин мэдээлж байна. Улмаар Японы зарим банкнуудад гадаад валютын ер үзэгдэж харагдаагүй чекийг боловсруулах гэж теллерүүд нь нэлээд сандарч байгаа тухай юм байна.

Ийнхүү Байдены буцалтгүй тусламжийн 1,4 мянган долларын чек авсан Япон хүмүүсийн дунд өмнө нь АНУ-д амьдарч байгаад нутаг буцсан япончууд олноороо багтсан байна. Америкийн татварын албанаас өөрийн нутагт байнга оршин суух эрхтэй хүмүүсийн бөглөж байсан татварын декларац дээр үндэслэн мөнгөний чекийг илгээсэн нь ийнхүү олон мянган япончуудыг баярлуулжээ. Гэхдээ хоёр улсын хоорондын нийгмийн халамжийн тухай тусгай гэрээ байгуулсан 2005 оноос өмнө Америкт амьдарч байсан япончууд энэ чекийг хүлээн авч. Америкт байнга оршин суухаа больсон 2021 оны байдлаар Америкийн хилийн цаана амьдарч байгаа хүмүүс тусламжийн хөтөлбөрт хамрагдахгүй ёсгүй болохоор Татварын албанаас чек хүлээн авсан япончуудад хандан, нэн даруй буцааж явуулахыг шаарджээ.