Палестины зэвсэгт бүлэглэлүүд ба Израйлын хооронд гал зогсоох гэрээ үйлчилж эхэллээ

Израйл ба Газын бүс дэх Палестины зэвсэгт бүлэглэлүүдийн хооронд энэ баасан гарагийн шөнийн 2 цагаас эхлэн гал зогсоох гэрээ үйлчилж эхэлжээ. Гал зогсоох тохиролцоог талууд янз бүрээр хүлээж авсан байна.

ХАМАС бүлэглэлийг “Al-Aqsa” сувгийн мэдээлж буйгаар ямар ч байсан палестинчүүд гал зогсоох тохиролцоог өөрсдийн ялалт гэж хүлээж авсан байна. Одоогийн байдлаар гал зогсоох гэрээг тохиолдуулан хэдэн мянган хүн гудамж талбайд Палестины туг далбай барин гарч ялалтаа тэмдэглэж байгаа юм байна.

Гал зогсооход Египет улсын зуучлал шийдвэрлэх үүрэг гүйцэтгэсэн гэж байна. Израйлын Засгийн газрын танхим тусгай хуралдаан явуулж, дангаар гал зогсоохыг дэмжсэн. Харин ХАМАС нь Египет улсыг баталгаа гаргасан тохиолдолд гал зогсоохыг зөвшөөрсөн нь ийнхүү хэрэгжиж эхэлжээ.

Египетийн талын мэдээлж буйгаар Ерөнхийлөгч Абдель Фаттах ас-Сиси нь гал зогсоох гэрээнд хяналт тавихын тулд Палестин болон Израйл руу тус бүр ажиглагчдын баг илгээсэн байна. Египетийн ажиглагчид гэрээний хэрэгжилтэд мониторинг хийж, нөхцөл байдлыг байнгын тогтвортой байлгахын тулд авах шаардлагатай арга хэмжээнүүдийн талаар зөвшилцөл явуулах аж.