УОК: Вакцины хоёр тундаа хамрагдаагүй бол хөдөө орон нутаг руу PCR шинжилгээ өгч зорчоод, тухайн газраа долоо хоног тусгаарлагдана

Засгийн газрын хэвлэл мэдээлэл олон нийттэй харилцах албаны дарга Ц.Ганзориг: Вакцины давтан тунгаа хийлгээд 14 хоносон иргэд энэ сарын 22-ноос орон нутаг руу явахдаа ямар нэгэн хязгаарлалтад орохгүй. Түргэвчилсэн, PCR шинжилгээ өгөхгүйгээр хяналтын цэгүүдэд вакцины сертификатаа цахимаар болон цаасаар хэвлэсэн байдлаар үзүүлээд зорчиж болно.0-17 насны хүүхдээ авч явах бол хүүхдээс нь түргэвчилсэн болон PCR шинжилгээ шаардахгүй. Мөн эрүүл мэндийн хүндэтгэн үзэх шалтгаанаар вакцин хийлгэх боломжгүй, хамрагдаагүй иргэд PCR гурав хоног хүчинтэй бол, түргэвчилсэн хоёр хоногийн хүчинтэй шинжилгээ өгөөд орон нутаг руу явж болно. Харин очоод аймаг болон сумын онцгой комиссын хяналтад 7 хоног гэрийн тусгаарлалтад орно.