АНУ 95 тэрбум доллароор тив алгасагч шинэ пуужин бүтээнэ

АНУ нь 1970 оноос хойш зэвсэглэлд байгаа “Minuteman III” тив алгасагч баллистик пуужинг орлуулах шинэ пуужин бүтээх “Ground Based Strategic Deterrent” буюу “GBSD” төслийн хэрэгжүүлэхээр болж байгаа аж. Энэхүү “GBSD” төслийн дагуу шинэ баллистик пуужин бүтээхэд 95 тэрбум доллар зарцуулахаар төсөвлөсөн байгаа юм байна. Ганц пуужин бүтээхэд 95 тэрбум доллар зарцуулна гэхээд аймшигтай өндөр зардалтай гэж санагдаж болох юм. Гэтэл моралийн элэгдэлд орж, хуучирсан “Minuteman III” пуужинг 2075 он хүртэл байнгын бэлэн байдалд байлгахад 133 тэрбум доллар зарцуулах шаардлагатай болоод байгаа тул харин ч хямд гэж ойлгож болохоор юм байна. 

Иймд АНУ нь “GBSD” төслийн шинэ пуужин бэлэн болох хүртэл “Minuteman III” пуужингийн бэлэн байдлыг 2040 он хүртэл хангах боломжийг судалж байгаа юм байна. Америкийн шинэ баллистик пуужинг бүтээх ажлыг “Northrop Grumman” компани гүйцэтгэнэ.