УОК хуралдаж байна

Улсын онцгой комисс хуралдаан  13:30 цагт эхэллээ. Энэ сарын 22-ны өдрөөс эхлэн зарим төрлийн үйл ажиллагааг нээхтэй холбоотойгоор авч хэрэгжүүлэх зарим арга хэмжээ мөн цаг үеийн асуудлуудыг хэлэлцэнэ гэсэн мэдээлэл байна. Тодруулбал Бямба гаригаас эхлэн хот хоорондын хөдөлгөөн нээхтэй холбогдуулан вакцины хоёр дахь тунгаас хойш 14 хоногоос дээш хоносон. Сүүлийн дөрвөн сард ковидын халдвар авч эдгэрсэн иргэнийг саадгүй зорчуулахаар болж байгаа.

0-17 насны хүүхдээс коронавируст халдварын PCR болон антигенд суурилсан түргэвчилсэн шинжилгээний сөрөг хариу шаардахгүй бөгөөд шалган нэвтрүүлэх хяналтын цэгүүдэд асуумж авч, биеийн халууныг үзэж, Covid-19-ийн эмнэлзүйн шинж тэмдэг илэрсэн тохиолдолд хүүхдээс заавал түргэвчилсэн шинжилгээ авч, холбогдох хариу арга хэмжээг тухайн орон нутгийн Онцгой комисс хариуцан зохион байгуулна.

Мөн 6-7 төрлийн үйл ажиллагааг нээнэ. Үүнд ресторан, хоолны сүлжээ газрууд, томоохон захууд буюу худалдааны төвүүд, амралт, сувиллын газар, саун зэрэг нэр бүхий газруудыг  үйл ажиллагааг нээхээр төлөвлөж байгаа талаар өмнө нь Засгийн газрын ХМОНХГ-ын дарга Ц.Ганзориг мэдээлж байсан. 

УОК-ын хуралдаанаас гарсан мэдээллийг эргэн хүргэнэ.