Японы парламент Энэтхэгтэй байгуулсан цэргийн гэрээг соёрхон баталжээ

Японы парламентын дээд танхим нь Энэтхэгтэй байгуулсан хээрийн сургууль, байлдааны ажиллагаа хамтран явуулах, шатахуун харилцан нийлүүлэх тухай гэрээг соёрхон баталсан байна. Энэтхэгийн парламент энэхүү гэрээг бүр өмнө нь соёрхон батлаад байсан юм. 

  Япон нь үүнтэй адил цэргийн гэрээг АНУ, Австрали, Их Британи, Франц, Канадтай байгуулаад байсан юм. Ийм гэрээ байгуулснаар Япон нь эдгээр улсуудын хамтаар Энэтхэгийн далай, Номхон далайн бүс нутагт томоохон хэмжээний хамтарсан хээрийн сургууль явуулах боломжтой болж байгаа юм байна. Энэ сард гэхэд л эдгээр гэрээний хүрээнд Японы Кюшү арал дээр АНУ, Франц, Японы хуурай замын цэрэг оролцсон хотын нөхцөлд байлдааны ажиллагаа явуулах сургуулийн хийжээ.