Сөүлийн бохир усны сүлжээнээс асар их “Виагра” илрүүлжээ

Сөүлийн бохир ус цэвэрлэх сүлжээний шүүж тунгаасан уснаас эрэгтэйчүүдийн чалхыг сайжруулах бодис их хэмжээгээр илэрсэн тухай “Scientific Reports” шинжлэх ухааны сэтгүүл мэдээлсэн байна.  

Тус сэтгүүлд хэвлэгдсэн судалгаанд өгүүлснээр Өмнөд Солонгосын нийслэлийн бохир усны шугам дах виаграгийн агуулга Брюссель, Копенгагены бохир усан дахиас 3-4 дахин өндөр байгааг судлаачид тогтоожээ. Бохир усны систем дэх цэвэрлэж шүүсэн гэх усан дах тухайн бодис дэндүү их байсан тул шүүлтийн станцууд нь гүйцэд цэвэрлэж чадаагүй учраас ийм өндөр агуулгатай гарсан юм байна. Судлаачид бохир усан дах энэ их хэмжээний виаграг өнгөрсөн амралтын өдрүүдэд хэрэглэсэн гэж тогтоосон байна. Сөүл дэх элдэв зугаа цэнгээний газрууд төвлөрсөн дүүргийн бохир усан дах виаграны агуулга нь хотын бусад дүүргийнхээс даруй 31 хувиар илүү өндөр байсныг ч судлаачид тогтоожээ.