Эстони улс төсвөө хэмнэхийн тулд армийнхаа чуулгыг татан буулгана

Эстони улс нь зэвсэгт хүчний дэргэдэх найрал хөгжмийн чуулгыг төсөв хэмнэх аяны хүрээнд татан буулгаж байгаа тухай тус улсын Батлан хамгаалах яам мэдэгджээ. Тус яамны  хэвлэлийн төлөөлөгч энэ талаар тайлбарлахдаа “Улсын төсвийн шинэ стратегийн хүрээнд авагдах арвилан хэмнэх олон арга хэмжээний нэг нь энэ байх болно. Төрийн сектор хэмнэлт хийх ёстой бөгөөд энэ хэмнэлт нь Батлан хамгаалахыг ч тойрч гарахгүй” гэжээ.

  Эстонийн зэвсэгт хүчний найрал хөгжмийн чуулга 41 хүний бие бүрэлдэхүүнтэй юм байна. Энэ чуулгыг есдүгээр сард албан ёсоор татан буулгана. Ер нь Эстонийн зэвсэгт хүчин 5000 хүнтэй бие бүрэлдэхүүнээ цомхотголд оруулж 4800 болгож байгаа юм байна. Ингэхдээ дуу хөгжийн чуулгаас гадна туслах хуульч, хүний нөөцийн мэргэжилтэн, хангалтын алба зэргээс хүмүүсийг түүж цомхотгох аж.